[加拿大移民] 加拿大 CEC經驗移民 (廣東話)
如果本身條件無特別（e.g.年紀大／學歷唔高／無錢投資移民／香港工作非專業工種）仲可以有咩出路可以移民。作為一個同樣無咩優勢＆行左好多冤枉路既過來人，想分享一下覺得有咩地方一開始可以計劃得更好，有咩魔鬼細節大家可以留意多d行少d冤枉路。當然，移民本身就有好多條路可以揀，每種方法亦有佢既風險同控制唔到既變數，無一種絕對既方法。所以以下分享既只係一d我個人認為經驗移民入面比較可行同大路既做法，如果唔啱聽唔合心意唔需要留言話比我知lol
▸ 讀書＆經驗移民既關係
▸ 30歲前好好利用Working Holiday
▸ 有另一半的話要好好利用SOWP
▸ 小心implied status裡面既魔鬼細節
經驗移民（Canadian Experience Class，簡稱CEC）最低要求係過去三年累積滿一年NOC 0,A,B 既加拿大工作經驗（一年定義： at least 30 hours/week for 12 months = 1 year full time = 1,560 hours）比起技術移民，經驗移民對NOC B類既英文要求仲要低少少，亦無存款要求。由於佢地都係under express entry用同一個計分制度排同一條隊，所以兩者其實非常相似。
【讀書＆經驗移民既關係】
好多人問關於“讀書移民“既野，因為好多時如果計盡現有條件都唔夠分移民，agent就會suggest你黎讀書。讀書既最大意義唔係在於讀完就一定可以即刻移民（去某d省讀某d專門科既master／phd係有機會申請到省提名，不過呢個係後話）讀書期間容許學生每星期做20個鐘既part time時數亦唔可以計落express entry加拿大工作經驗既加分度。所以讀書最重要既目的係拎畢業後既工作簽證搵野做，亦即post grad work permit，簡稱PGWP，從而達到經驗移民既要求。要拎到PGWP既首要條件係要讀8個月或以上既course，畢業後就可以申請去拎同等長度（或更長）既工作簽證去搵工（read more：https://www.canada. ca/…/st…/work/after-graduation/about.html）
順利既話，拎住PGWP搵到工喺加拿大三年內做夠最少一年工作時數就可以申請經驗移民。對於人工/同讀既科有無關都無特別要求，只要係真實，人工合理，NOC 0,A,B 既工作就可以。萬一唔知點解你呢三年都無去到申請經驗移民都好，呢一年既加拿大工作經驗亦可以為申請技術移民時作加分之用，係一個好有用既加分保險。
所以換句話說，如果經濟／時間上許可，讀足兩年書拎到2-3年PGWP等自己有足夠時間搵工加累積最少一年工作時數當然最好；但如果只有能力全職讀一年書拎8-12個月既PGWP搵得工黎都無可能做夠一年的話，就可以考慮加埋透過其他方法取得既工作時數。最後再重申一次，一年加拿大工作經驗既時數係唔需要連續的，經驗移民的話只要係過去3年內累積拎到就得。
【30歲前好好利用Working Holiday】
30歲前既香港人可以透過加拿大working holiday（亦稱International Experience Canada，簡稱IEC）拎到open work permit工作一年。好似上一段所提及，只要有完整一年NOC 0,A,B 既工作經驗就可以申請經驗移民／技術移民時加分。普遍既人都係先拎住工作假期簽證黎加拿大搵工，搵到工做差唔多簽證到期時想留底先開始諗點樣移民，到時個簽證可能已經淨返好少時間，然後再臨急臨忙去申請study permit留低讀書。所以如果想計劃得更好，去到中期預計到僱主唔大機會幫手整到positive lmia的話，就要開始準備讀書留低既事，因為如果想申請經驗移民的話就要係3年時間內搞掂哂WH+讀書+PGWP。若果調返轉個次序，先讀書後申請工作假期亦未嘗不可，而呢個做法加拿大係容許的（read more：http://www.cic.gc.ca/english/helpcentre/answer.asp… ）但要注意既係IEC名額而家變左係抽簽形式而非先到先得，所以亦有風險係抽極都抽唔中。點樣可以將WHV同PGWP喺時間上合適地銜接就係累積一年工作時數既關鍵所在。另外，如果想喺WHV後+pgwp前既讀書期間繼續為同一間公司工作，就要靠你同公司商量可唔可以轉part time，或者變實習／義工啦。 （#明既會明）
另一個更大膽既做法就係成功申請到工作假期，入境時唔需要即刻去activate張open work permit，而係先用visitor入境，等到有job offer先出境再入境activate張open work permit，用盡張簽證既一年時間。當然呢個做法都好大風險，但如果係後生仔女大把時間無咩顧慮有信心搵到僱主願意配合既話一試又何妨。 （又係 #明既會明）
【有另一半的話要好好利用SOWP】
移民路上有另一半同行既話做法上就有更大既彈性同可能性。若果一方全職讀書，另一方可以申請spouse open work permit（簡稱SOWP）喺加拿大合法工作（read more：https://www.canada.ca/…/help-your-spouse-common-law-partner… ）呢度指既“另一半“唔一定要係結左婚既伴侶，好似以前所提及，只要去證明＆宣誓二人係曾經最少同居一年既partner關係亦可（read more：http:/ /www.cic.gc.ca/english/helpcentre/answer.asp…）當然呢種spouse open work permit一樣有被reject既可能，特別係如果時間上睇得出二人擺明係為左拎sowp而結婚／宣誓就愈大機會被reject。所以一定要提早準備好，充分證明二人既關係。
總結黎講，如果想累積一年加拿大工作經驗申請經驗移民，可以參考以上PGWP+IEC+SOWP呢三種途徑，揀最適合你既方法提早好好計劃。
【小心implied status裡面既魔鬼細節】
implied status係指當work permit／study permit／visitor status到期前最少一個月前提交續簽申請／一個新類別既簽證申請後，即使原有簽證到左期都好，申請結果一日未出一日都可以繼續合法留低喺加拿大，而且可以喺某d條件情況下繼續讀書做野（無論最後申請成功與否）所以有agent會提議working holiday visa／pgwp就快完果時去申請study permit／轉visitor等等咩都好，到原有簽證到期後繼續利用implied status呢段期間做野累積工作時數。
但事實上由於working holiday visa同pgwp都係唔可以續簽(non-extendable) 所以implied status期間如果本身既簽證過左期，雖然可以繼續用implied status留低，但就唔可以繼續工作。 ”簽證過左期implied status期間可以繼續做野”呢個benefit只適用於closed work permit或者spouse open work permit等等呢一類可以續簽(extendable)既visa。極端d講，雖然就算以身犯險working holiday visa／pgwp過左期implied status期間做野都未必會有人發現，但申請移民要提交工作時數證明時一定唔可以show到申請人有係呢段時間曾經非法工作，如果唔係最後就會因為呢點而被reject移民申請。
至於點解有d agent會suggest咁做，一黎係因為有d agent對於呢d特殊情況既經驗比較少，加上處理呢類賺得比較少錢既case會時有出錯實屬見慣不怪（有唔少讀者都同我呻過agent比錯料，廢青自己亦有過不愉快既經歷，當然專業可靠既agent亦大有人在）二黎係因為以前關於implied status期間可唔可以繼續做野的確曾經有過灰色地帶，所以後黎政府就出埋正式回覆比詢問呢一點既人，同時改左官網既一啲用字，將implied status期間容許繼續工作既附帶條件講得更清楚，杜絕灰色地帶。